BAKI, 3 aprel. TELEQRAF

"Tez-tez eşidirəm ki, UEFA pul qazanmağa həddindən artıq köklənib".

Teleqraf-ın məlumatına görə, bunu UEFA prezidenti Aleksander Çeferin Avropa futbol qurumunun 49-cu Sessiyasında açıqlama verib.

"Biz gəlir götürən soyuq və hissiyyatsız maşın deyilik. Biz vəsaitləri vicdanla yığan və paylayan qurumuq. Çünki bu vəsaitlərin faktiki 97 faizini bölüşdürürük. Biz onları Avropa futboluna qaytarırıq. Bəzilərinin yox, çoxlarının xeyri naminə bunu edirik”, - deyə o, bildirib.

Çeferin sözlərinə belə davam edib:

İdmanda kim UEFA-dan çox pul qaytarır? HatTrick proqramımız idmanda həmrəyliyin ən böyük sxemlərindən biridir. Burada kişilər arasında Avropa çempionatlarından təmiz gəlirin yarıdan çoxu üzv assosiasiyalarımız arasında investisiya məqsədilə bölüşdürülür.

Heç kim Avropanın maraqlı tərəfləri ilə dialoq üçün UEFA-dan yaxşı vəziyyətdə deyil. Əməkdaşlıq sayəsində biz təkcə yarışların formatında deyil, gəlir bölgüsü və həmrəylik ödənişlərində dəyişikliklər etmişik. Futbol ideal dünya vəd etmir, amma bir-birimizə qarşı oynadıqda nəyə nail olmağı bizə

Sadəcə baxın ki, biz bu mövsüm klub yarışlarının yeni formatı ilə nəyə nail olmuşuq. Azarkeşlər final fitinədək oturacaqlarını tərk etməmişdilər. Bizə isə deyirdilər ki, bu, işə yaramır.

Yaxşı simfoniya yaxşı futbol kimidir. Bu, xüsusi bir şeydir. Çünki məhz bu, futbol deməkdir. Sadəcə, klub yarışlarımıza baxın: Ölkələr, klublar və oyunçular simfoniyası, taktika və yanaşmalar simfoniyası. Bütün bunlar komanda işidir.

Biz bir dəfəlik və qısamüddətli gəlir üçün yox, futbol və azarkeşlər üçün işləyirik. Elit yarışlarımız vacib gəlirlər gətirir və geniş kütlənin maarifləndirilməsini yüksəldir. Bunu nəzərə alaraq, klublar nəzarət olunmayan ambisiyaları yox, uzunmüddətli inkişafı prioritet götürməlidirlər. Bunun üçün uğurun alındığı yox, qazanıldığı sistem yaratmalıdırlar.