BAKI, 15 avqust. TELEQRAF

İndoneziya sahillərində 7,6 maqnitudalı güclü zəlzələ baş verib.

Teleqraf xəbər verir ki, bu barədə Avropa-Aralıq dənizi Seysmoloji Mərkəzi (EMSC) məlumat yayıb.

Məlumata görə, zəlzələnin episentri təxminən 188 min nəfərin yaşadığı Labuan-Baco şəhərindən 161 kilometr şimal-şərqdə yerləşib.

Yeraltı təkanların ocağı 35 kilometr dərinlikdə qeydə alınıb.

Zəlzələdən sonra sunami təhlükəsi elan edilib.

Hələlik xəsarət alanlar və dağıntılar barədə məlumat daxil olmayıb.