BAKI, 6 avqust. TELEQRAF

Çeçenistan Respublikasının Seçki Komissiyası keçirilən iclasda Ramzan Kadırovu vilayət qubernatoru vəzifəsinə namizəd kimi qeydə alıb.

Teleqraf xəbər verir ki, bu barədə vilayət seçki komissiyasının "Telegram" kanalında məlumat verilib.

"Bu gün, 6 avqust 2026-cı il tarixində Çeçenistan Respublikasının Seçki Komissiyası öz iclasında "Vahid Rusiya" siyasi partiyasının Çeçenistan regional bölməsi tərəfindən irəli sürülən Rusiya Qəhrəmanı Ramzan Axmatoviç Kadırovu Çeçenistan Respublikasının rəhbəri vəzifəsinə namizəd kimi qeydə alıb", - deyə bəyanatda bildirilir.

Qeyd edək ki, Kadırov Çeçenistan Respublikasına 19 ildir ki, rəhbərlik edir. O, ilk dəfə 2007-ci ilin fevral ayında Çeçenistanın müvəqqəti prezidenti təyin edilib, mart ayında regional parlament tərəfindən təsdiqlənib və aprel ayında vəzifəsinin icrasına başlayıb.