BAKI, 25 iyul. TELEQRAF

Qazaxıstan Prezidenti Kasım-Jomart Tokayev Türkiyə Prezidenti Rəcəb Tayyib Ərdoğanın dəvəti ilə iyulun 29-da rəsmi səfərlə Türkiyəyə gedəcək.

Teleqraf xəbər verir ki, bu barədə "Akorda" məlumat yayıb.

Bildirilir ki, səfər çərçivəsində Ankarada hər iki ölkənin rezidentləri arasında danışıqlar aparılacaq.

Bundan əlavə, lidərlər Qazaxıstan-Türkiyə arasında Yüksək Səviyyəli Strateji Əməkdaşlıq Şurasının beşinci iclasını keçirəcəklər.