BAKI, 26 oktyabr. TELEQRAF

Böyük Britaniya Baş naziri Endi Börnem ölkəsini yenidən Avropa İttifaqının (Aİ) üzvü kimi görmək istədiyini bildirib.

Teleqraf xəbər verir ki, o, Böyük Britaniyanın hazırda bundan uzaq olduğunu da söyləyib.

“Açıq danışmaq istəyirəm. Artıq demişəm ki, həyatda olduğum müddətdə bunun baş verməsini istəyirəm. Ancaq hadisələri qabaqlamaq niyyətində deyiləm. Məsələ ilə bağlı öz fikrimi diktə etmək istəmirəm. Böyük Britaniya cəmiyyətinin bu məsələdə əsas qərarverici tərəf olmasını təmin etmək lazımdır”, - Börnem vurğulayıb.

Baş nazir qeyd edib ki, hazırkı parlamentin səlahiyyət müddəti ərzində Böyük Britaniyanın Aİ-yə qayıtması təşəbbüsü ilə çıxış etmək niyyətində deyil: “Hazırda bundan çox uzağıq”.

O, noyabrın 20-də keçiriləcək Böyük Britaniya-Avropa İttifaqı sammitinin tərəflər arasında iqtisadi və miqrasiya sahələrində əməkdaşlığın dərinləşdirilməsinə həsr olunacağını sözlərinə əlavə edib.