BAKI, 25 oktyabr. TELEQRAF

Serbiyada növbədənkənar parlament seçkiləri keçirilir, seçki məntəqələri yerli vaxtla saat 20:00-a qədər açıq qalacaq.

Teleqraf xəbər verir ki, Respublika Seçki Komissiyası dörd il müddətinə 250 deputat seçmək hüququ olan 6 milyondan çox seçici qeydə alıb.

Səsvermə prosesini 622-si xarici olmaqla 16 mindən çox müşahidəçi izləyir.

Bülletenlərdə 18 seçki siyahısı təmsil olunub. Əsas rəqiblərin hakim Serbiya Proqressiv Partiyasının (SPP) sentyabrın 27-də prezident vəzifəsindən istefa verən Aleksandr Vuçiçin rəhbərlik etdiyi “Birləşmiş Serbiya” siyahısı və “Tələbə siyahısı” birliyi olacağı gözlənilir.

Qeyd edək ki, Mərkəzi Seçki Komissiyasının sədri Məzahir Pənahovun rəhbərlik etdiyi nümayəndə heyəti də seçkiləri müşahidə etmək məqsədilə Serbiyadadır. Serbiya Seçki Komissiyasının sədri Vladimir Dimitriyeviçin dəvəti ilə gerçəkləşən səfər çərçivəsində MSK təmsilçiləri paytaxt Belqradda seçki məntəqələrində səsvermənin təşkili və gedişini izləyirlər.