BAKI, 20 avqust. TELEQRAF
“Rusiya müharibəni hələ müəyyən müddət davam etdirə bilər, çünki sanksiyalar onun iqtisadiyyatını dayandırmayıb, neft gəlirləri və digər ölkələrin yardımı da məhdudiyyətlərdən yayınmağa imkan verir”.
Teleqraf xəbər verir ki, bunu Ukrayna Prezident Administrasiyası rəhbərinin müavini Sergey Kislitsa deyib.
“Rusiya öz tərəfindən verilən insan itkiləri və iqtisadiyyatdakı bütün problemlərin miqyasına baxmayaraq, müharibəni hələ müəyyən, hətta qısa olmayan müddətdə ümidsiz şəkildə davam etdirə bilər. Bu, faktdır. İqtisadi sanksiyalar rusların həyatını getdikcə daha çox narahat edir, amma Rusiya daxilində iqtisadi fəallığı dayandırmır”, - diplomat bildirib.
Bu kontekstdə o qeyd edib ki, bəzi ölkələr Rusiyanın neftinin yarıdan çoxunu alır, təkcə ötən il Moskva ölkələrdən biri ilə 40 milyard dollardan çox neft ticarəti aparıb:
“Bundan başqa, bəzi ölkələr Rusiyaya sanksiyalardan yayınmağa kömək edir. Bəzi dövlətlərlə də ticarəti son illərdə 50, 100 və ya 200 faiz deyil, 1000 faiz artıb. Həmin ölkələrin birdən-birə bu qədər böyük həcmdə texnika və ya xammal istehlakçısına çevrilməsi inandırıcı deyil”.
