BAKI, 4 aprel. TELEQRAF

Fransa İrandan Haaqa məhkəməsinə şikayət edəcək.

Fransa İranda fransızların həbsi ilə bağlı işin davam etdirilməsi üçün Beynəlxalq Ədalət Məhkəməsinə İran İslam Respublikasına qarşı şikayət verməyi planlaşdırır.

Teleqraf xəbər verir ki, bu barədə Fransa XİN başçısı Jan Noel Barro məlumat yayıb.

O, Tehran hökumətini İrandakı fransız məhbusların konsulluq müdafiəsi hüququnu pozmaqda ittiham edib.

Qeyd edək ki, İranda həbsdə saxlanılan Sesil Kohler və onun həyat yoldaşı Jak Paris, 2022-ci ildə İranda başlayan etiraz aksiyalarını qızışdırmaqda və casusluqda günahlandırılıblar.

Rəsmi Paris dəfələrlə İranda həbsdə olan vətəndaşları "dövlət girovu" adlandırıb.