BAKI, 2 aprel. TELEQRAF
Mərkəzi Təbriz olan Şərqi Azərbaycan əyalətinin valisi Bəhram Sərməstin İran Prezidenti Məsud Pezeşkiana Azərbaycan dilində məktub yazması barədə iddia etirazlarla qarşılanıb.
Teleqraf xəbər verir ki, bu barədə məlumatlar sosial media şəbəkəsində İran seqmentində yayılıb.
Çox sayda qeyri-azərbaycanlı məmur və sosial media şəbəkəsi istifadəçisi bunu ölkə qanunlarının pozulması və rəsmi dövlət dilinə qarşı hörmətsizlik kimi dəyərləndiriblər.
Vali Bəhram Sərməst özü bu barədə açıqlama verməsə də, ona yaxın şəxslər və sosial media kanalları Azərbaycan dilində məktubun yazılmadığını bildiriblər.
Qeyd edək ki, İran konstitusiyasının 15-ci maddəsinə əsasən rəsmi danışıq və yazışmaların fars dilində aparılması vacib olsa da, qeyri-rəsmi danışıq və yazışmaların qeyri-fars dillərində olması qadağan edilməyib.
