Bakı, 2 aprel. TELEQRAF

Azərbaycan Respublikası Dini Qurumlarla İş üzrə Dövlət Komitəsinin (DQİDK) tabeliyində fəaliyyət göstərən Azərbaycan İlahiyyat İnstitutu (Aİİ) və Mənəvi Dəyərlərin Təbliği Fondunun (MDTF) birgə təşkilatçılığı ilə 22-23 oktyabr 2025-ci il tarixlərində Bakı şəhərində “Müasir din təhsili modelləri ənənələr və qlobal çağırışlar kontekstində” mövzusunda beynəlxalq simpozium keçiriləcək.

Teleqraf xəbər verir ki, simpoziumun məqsədi Azərbaycanda və dünyada din təhsili sahəsində mövcud vəziyyətin müzakirəsi, qarşıya çıxan problemlərin təhlili, onların həlli ilə bağlı təkliflərin irəli sürülməsinin təmin edilməsi, bu istiqamətdə fəaliyyət göstərən alim və mütəxəssislər arasında tədqiqat işləri, məlumat və təcrübə mübadiləsi üçün platforma yaradılmasıdır.

Simpoziumun mövzuları:

1. Din təhsili: tarix, ənənə və müasirlik

2. Dünyəvi dövlətdə din təhsili

3. Din təhsili, tolerantlıq və multikulturalizm

4. Din təhsili və əxlaqi dəyərlər

5. Din təhsili modelləri

6. Din təhsilinə müxtəlif yanaşmalar

7. Din təhsilinin konstitusional və hüquqi əsasları

8. Din təhsili və ictimai inkişaf

9. Postsovet məkanında din təhsili problemləri və perspektivlər

10. Azərbaycanda dövlət-din münasibətlərinin tənzimlənməsində Ulu Öndər Heydər Əliyevin rolu

11. Prezident İlham Əliyev və Azərbaycanda din təhsili

12. Dini savadsızlığın yaranma səbəbləri, doğurduğu fəsadlar (dini fanatizm, xurafat, radikalizm, ekstremizm) və onlarla mübarizə üsulları

13. Ənənəvi və yeni mediada din təhsili

14. Süni intellekt və din təhsili

15. Formal təhsildə, ailədə və ibadət yerlərində din təhsili

16. Sosial xidmət sahələrində din təhsili

Tezislərin qəbul qaydaları:

1. Tezislərin ümumi həcmi 400-500 sözdən ibarət olmalıdır.

2. Təqdim olunan yazının əvvəlində tezisin adından sonra müəllifin adı, elmi dərəcəsi və ya elmi adı, işlədiyi (təmsil etdiyi) müəssisə, vəzifəsi, şəhər və ölkə, elektron poçt ünvanı və ORCID-kod göstərilməlidir.

3. Sonda tezisin yazıldığı dildə 5 açar söz verilməlidir.

4. Tezisin mətni “A4” formatında, 12 ölçülü hərflərlə, “Arial” şriftlə, yuxarıdan və aşağıdan 2 sm, soldan 3 sm, sağdan 1 sm məsafədə, 1 intervalla olmalıdır.

5. Tezislər Azərbaycan, türk, ingilis, rus və ya ərəb dillərində qəbul olunur.

6. Müəlliflər tezisləri göndərmək üçün https://symposium.ait.edu.az/ saytında qeydiyyatdan keçib şəxsi kabinet yaratmalıdırlar. Tezislər yalnız sayt üzərindən qəbul edilir. Daxil olan tezislərin dəyərləndirilməsi zamanı ikitərəfli anonim rəy prosesi tətbiq olunur.

Tezislərin göndərilməsi üçün son tarix: 26.05.2025

Tezislərin qəbul olunduğunun bildiriləcəyi tarix: 26.06.2025

Məqalələrin qəbul qaydaları:

1. Məqalələr əvvəllər hər hansı bir mənbədə dərc edilməmiş və dəyərləndirmədə olmayan yeni tədqiqatlar olmalıdır.

2. Məqalələr Azərbaycan, türk, ingilis, rus və ya ərəb dillərində qəbul olunur.

3. Müəlliflər məqalələri göndərmək üçün https://symposium.ait.edu.az/ saytında qeydiyyatdan keçib şəxsi kabinet yaratmalıdırlar. Məqalələr yalnız sayt üzərindən qəbul edilir. Daxil olan məqalələrin dəyərləndirilməsi zamanı ikitərəfli anonim rəy prosesi tətbiq olunur.

4. Məqalənin mətni “A4” formatında, 12 ölçülü hərflərlə, “Arial” şriftlə, yuxarıdan və aşağıdan 2 sm, soldan 3 sm, sağdan 1 sm məsafədə, 1 intervalla olmalıdır.

5. Məqalənin ümumi həcmi 3000-5000 sözdən ibarət olmalıdır.

6. Təqdim olunan araşdırmanın əvvəlində məqalənin adından sonra müəllifin adı, elmi dərəcəsi və ya elmi adı, işlədiyi (təmsil etdiyi) müəssisə, vəzifəsi, şəhər və ölkə, elektron poçt ünvanı və ORCID-kod göstərilməlidir.

7. Daha sonra məqalə yazılan dildə xülasə verilməli və açar sözlər qeyd edilməlidir. Xülasələrin həcminin 200-250, açar sözlərin isə 5-8 sözdən ibarət olması tələb olunur. Açar sözlər ümumidən-xüsusiyə doğru sıralanmalıdır.

Xülasə və açar sözlər məqalənin yazıldığı dildən əlavə ingilis dilində də verilməlidir. Xülasədə məqalənin və müəllifin adı, elmi dərəcəsi və ya elmi adı, işlədiyi (təmsil etdiyi) müəssisə, vəzifəsi, şəhər və ölkə, elektron poçt ünvanı və ORCID-kod tam göstərilməlidir. Məqalənin yazıldığı və ingilis dillərində olan xülasə və açar sözlər girişdən əvvəl yerləşdirilməlidir. Müəllifin gəldiyi elmi nəticə, işin yeniliyi, əhəmiyyəti və s. xülasədə yığcam şəkildə qeyd olunmalıdır.

8. Elmi araşdırmaların yazılma üsullarına uyğun olaraq, daha sonra giriş, ən azı 2 (iki) yarımbaşlıq, nəticə və ədəbiyyat siyahısı olmalıdır.

9. Mövzu ilə bağlı elmi mənbələrə istinadlar vacibdir. Məqalədə istinadlar göstərildiyi yerdən sonra mötərizə içərisində müəllifin soyadı, nəşr ili və səhifənin nömrəsi ardıcıl verilməlidir. Nümunə: (Bünyadov, 2007, 17-21).

10. Ədəbiyyat siyahısında verilən hər bir istinad haqqında məlumat bu formatda yerləşdirilməlidir: Müəllif (soyadı, inisialları). Nəşr ili. Əsərin adı. Şəhər: nəşriyyatın adı. (Həcmi). Nümunə: İsmayılov, G. (2014). Tolerantlıq: bildiklərimiz və bilmədiklərimiz. Bakı: Nurlar NPM. (240 s.).

11. Mövzu ilə bağlı son 10 ilin elmi mənbələrinə istinadlar vacibdir.

Məqalələrin təqdim olunması üçün son tarix: 29.08.2025

Əlaqələndirici şəxslər:

Elnarə Ağaoğlu (012) 436 77 66 (dax.: 402)

Şahin Ələsgərov (012) 436 77 66 (dax.: 406)