BAKI, 16 sentyabr. TELEQRAF

Orta Dəhliz Türk regionalizminin koordinasiya modelini və rolunu müəyyən etməyə imkan verir.

Teleqraf xəbər verir ki, bunu Əl-Fərabi adına Qazaxıstan Milli Universitetinin Regional Araşdırmalar Mərkəzinin direktoru Adilbek Yermekbaev Türk Dövlətlərinin Aparıcı Milli Analitik Mərkəzlərinin II Beynəlxalq Konfransında birinci panel müzakirədə deyib.

O bildirib ki, bu funksional qarşılıqlı asılılıq fövqəlmilli struktura və səlahiyyətlərin tədricən ötürülməsinə gətirib çıxarmamalıdır.

O əlavə edib ki, TDT dövlətləri öz marşrut seqmentlərinin Gürcüstan və dəhlizin ixtisaslaşmış mexanizmləri ilə qarşılıqlı əlaqədə vahid transregional əməliyyat sisteminin hissəsi kimi işləməsinə nail olmalıdırlar:

"TDT üçün ikinci prioritet marşrutun rəmzi mənimsənilməsi deyil; sənədlərin, məlumatların, rəqəmsal platformaların və qaydaların uyğunluğu olmalıdır. Nəqliyyat siyasətini sənaye-investisiya siyasəti ilə əlaqələndirmək lazımdır. Əks halda dəhliz xarici iqtisadiyyatlar üçün xidmət vasitəsi kimi qalacaq. İnteqrasiya effekti iki səviyyəli əməliyyat göstəriciləri ilə ölçülməlidir. Yəni sərhədkeçmə müddəti, elektron icazələrin payı, elektron qaimələrin payı, birbaşa tariflərin sabitliyi, xidmətin müntəzəmliyi və institusional qarşılıqlı əlaqənin iqtisadiyyatı kimi göstəricilərlə ölçülməlidir".