BAKI, 15 sentyabr. TELEQRAF

2026-cı ilin birinci yarısında Azərbaycanın xarici ticarət balansında təxminən 6,2 milyard dollarlıq profisit yaranıb. Bu dövrdə ixrac 14,3 milyard dollar, idxal isə təxminən 8,1 milyard dollar təşkil edib.

Teleqraf xəbər verir ki, bu barədə Mərkəzi Bankın Statistika Departamentinin direktoru Samir Nəsirov 2026-ci ilin ilk 6 ayınən yekunlarına dair Tədiyə balansının açıqlanmasına həsr olunmuş brifinqdə deyib.

O əlavə edib ki, bu dövrdə dünya bazarına çıxarılan Azərbaycan neftinin qiyməti 94,5 dollar təşkil edib:

“Bu, keçən ilin müvafiq dövrünə nisbətən təxminən 33 faiz artım deməkdir. Eyni zamanda, Azərbaycan qazının 1000 kubmetrinin qiyməti 313 dollar təşkil edib və keçən ilin müvafiq dövrünə nisbətən qazın qiyməti orta hesabla 4 faiz artıb”.