TOVUZ, 16 noyabr. TELEQRAF
Tovuzda qidadan zəhərlənənlər evə buraxılıblar.
Teleqraf-ın Qərb bürosunun məlumatına görə, zəhərlənmə diaqnozu ilə xəstəxanaya yerləşdirilən bir ailənin 4 üzvü göstərilən tibbi yardımlardan sonra evə buraxılıblar.
Onların pendirdən zəhərləndikləri ehtimal edilir.
Faktla bağlı araşdırma aparılır.
***
17:17
Tovuz rayonunda qida zəhərlənməsi nəticəsində bir ailənin dörd üzvü xəstəxanaya yerləşdirilib.
Teleqraf-ın Qərb bürosunun məlumatına görə, hadisə Qovlar qəsəbəsində baş verib.
Zərərçəkənlər — 1986-cı il təvəllüdlü Ramal İslam oğlu Əhmədov, 1989-cu il təvəllüdlü Vüsalə Namiq qızı Hüseynova, 2010-cu il təvəllüdlü Dəniz Ramal oğlu Əhmədli və 2013-cü il təvəllüdlü Banu Ramal qızı Əhmədli — tibbi yardım alıblar.
Onların vəziyyətinin kafi olduğu bildirilir.
İlkin ehtimallara görə, ailə üzvlərinin pendirdən zəhərləndikləri güman olunur.
Faktla bağlı araşdırma aparılır.
