BAKI, 21 oktyabr. TELEQRAF

İspaniyanın “Barselona” klubunun hücumçusu Dani Olmo La Liqanın X turunda “Real”la keçiriləcək oyunu buraxa bilər.

Teleqraf xəbər verir ki, bu barədə AS nəşri məlumat yayıb.

İlkin müayinələrdə 26 yaşlı futbolçunun sol budunun əzələsində yırtıq aşkarlanıb. Bu diaqnoz təsdiqlənərsə, Olmonun bərpası 4-5 həftə çəkə bilər.

İspaniyalı futbolçu UEFA Çempionlar Liqasının Liqa mərhələsinin III turunda PSJ ilə keçirilən görüşdə (2:4) zədələnib. Qarşılaşmanın 27-ci dəqiqəsində PSJ-nin yarımmüdafiəçisi Vitinya ilə toqquşan Olmo meydanı tərk edib. Onun əvəzinə Fermin Lopes oyuna daxil olub.

Futbolçunun yekun diaqnozu Barselonada keçiriləcək maqnit-rezonans tomoqrafiyasından (MRT) sonra məlum olacaq.

Qeyd edək ki, “Barselona” ilə “Real” arasında qarşılaşma oktyabrın 25-də keçiriləcək.