BAKI, 12 sentyabr. TELEQRAF
Fransa millisinin və Madrid “Real”ının hücumçusu Kilian Mbappe 2026-cı ildə “Qızıl top”u qazanmaq şanslarını yüksək qiymətləndirib.
Teleqraf xəbər verir ki, futbolçu bu barədə Fransanın “L'Équipe” nəşrinə açıqlamasında danışıb.
“‘Qızıl top’u qazana biləcəyimi hiss edirəm. Bu, hədəflərimdən biridir və artıq çox vaxt qalmayıb. Obyektiv yanaşanda başqa namizədə səs verənləri də başa düşə bilərəm. Amma ötən mövsümü heç kim məndən yaxşı keçirməyib”, – Mbappe bildirib.
27 yaşlı hücumçu ötən mövsüm Çempionlar Liqasında 15, İspaniya La Liqasında 25, 2026-cı il dünya çempionatında isə 10 qolla ən yaxşı bombardir olub. Buna baxmayaraq, Mbappe mövsümü komanda titulu qazanmadan başa vurub.
