BAKI, 20 avqust. TELEQRAF

Türkiyə klublarından “Qalatasaray” Moskva “Lokomotiv”inin yarımmüdafiəçisi Aleksey Batrakovun transferini tamamlamağa yaxındır.

Teleqraf xəbər verir ki, 21 yaşlı rusiyalı futbolçu bu gün İstanbula gəlib. Batrakov hava limanında “Qalatasaray” azarkeşləri tərəfindən qarşılanıb.

“Lokomotiv” də futbolçunun tibbi müayinədən keçmək və şəxsi müqavilə ilə bağlı danışıqları yekunlaşdırmaq üçün İstanbula yollandığını rəsmən açıqlayıb. “Qalatasaray” isə transferlə bağlı rəsmi danışıqlara başlandığını bildirib.

Batrakovun tibbi müayinədən sonra İstanbul klubu ilə müqavilə imzalaması gözlənilir.

Qeyd edək ki, Aleksey Batrakov “Lokomotiv”in yetirməsidir. Yarımmüdafiəçi Moskva klubunun əsas komandasında 84 oyunda 34 qol vurub və 23 məhsuldar ötürmə edib.