BAKI, 27 iyul. TELEQRAF

Yeni mövsümə hazırlığını Ankarada davam etdirən “Turan Tovuz” bu gün ikinci yoxlama matçına çıxacaq.

Teleqraf xəbər verir ki, Kurban Berdıyevin rəhbərlik etdiyi komanda Türkiyənin “Fatih Karagümrük” klubu ilə üz-üzə gələcək.

I Liqa təmsilçisi ilə qarşılaşma Bakı vaxtı ilə saat 18:00-da başlayacaq.

Qeyd edək ki, “Turan Tovuz” Ankara toplanışı çərçivəsində keçirdiyi ilk yoxlama oyununda İranın U-21 yığması ilə 1:1 hesablı heç-heçə edib.