BAKI, 10 iyul. TELEQRAF

Qarabağ"ın hücumçusu Kamilo Duran karyerasını Şotlandiyada davam etdirəcək.

Teleqraf xəbər verir ki, Ağdam təmsilçisi kolumbiyalı futbolçunun transferi ilə bağlı Şotlandiyanın "Seltik" klubunun təklifini və oyunçunun istəyini nəzərə alaraq müsbət qərar verib.

Klubun yaydığı məlumata görə, tərəflər arasında aparılan danışıqlar uğurla başa çatıb və transferlə bağlı razılıq əldə olunub.

2025-ci ilin yayından "Qarabağ"ın formasını geyinən Kamilo Duran komandanın heyətində 45 oyunda 15 qola imza atıb.