21 yaşadək futbolçulardan ibarət Azərbaycan millisi Türkiyədə keçirdiyi təlim-məşq toplanışı çərçivəsində ikinci yoxlama oyununa çıxıb.

Teleqraf xəbər verir ki, yığmamız İsparta şəhərində Qırğızıstanın müvafiq yaş qrupundan ibarət komandası ilə qarşılaşıb.

“SAV” stadionunda keçirilən görüş rəqibin 3:1 hesablı qələbəsi ilə başa çatıb.

Qeyd edək ki, Azərbaycan millisi İspartadakı ilk yoxlama oyununda Bəhreyn yığmasını 3:0 hesabı ilə məğlub etmişdi.