BAKI, 28 avqust. TELEQRAF
İspaniyanın "Vilyarreal" klubu Fransanın PSJ klubundan qapıçı Arnau Tenası transfer edib.
Teleqraf xəbər verir ki, bu barədə La Liqa təmsilçisinin rəsmi saytı məlumat yayıb.
"Sarılar" 24 yaşlı futbolçu ilə 4 illik müqavilə imzalayıb. Paris klubu bu keçiddən 2,5 milyon avro gəlir əldə edib.
Qeyd edək, Arnau Tenas İspaniyanın "Barselona" komandasının yetirməsidir. O, 2023-cü ildə Kataloniya təmsilçisini azad agent statusunda tərk edərək PSJ-yə keçib.
