BAKI, 4 aprel. TELEQRAF
“Traktor” İran çempionatında növbəti oyununu bu gün keçirəcək.
Telqaraf xəbər verir ki, Cənubi Azərbaycan təmsilçisi yerli azarkeşləri önündə Tehranın “İstiqlal” klubunu qəbul edəcək. Əzəli rəqiblərin oyunu həmişə gərgin mübarizə şəraitində keçir. Təbrizin “Səhənd” stadionunda baş tutacaq qarşılaşmaya maraq böyükdür.
“Traktor” tarixində ilk dəfə İran çempionu olmağa xeyli yaxındır. Cənubi Azərbaycan komandası 51 xalla (23 oyun) çempionatın vahid lideridir. “Sepehan” 49 xalla (24 oyun) 2-ci, “Persepolis” 47 xalla (24 oyun) 3-cü yerdədir. Uğursuz mövsüm keçirən “İstiqlal” 28 xalla (23 oyun) 9-cu pillədə mövqe tutub.
Qeyd edək ki, “Traktor” – “İstiqlal” oyunu Bakı vaxtı ilə saat 18:45-də başlayacaq.
