BAKI. 4 aprel. TELEQRAF
"Şamaxı" klubu futbolçusu Rikardo Fernandeslə sözləşmə müddətini uzadıb.
Teleqraf əyalət təmsilçisinin rəsmi saytına istinadən xəbər verir ki, 30 yaşlı portuqaliyalı qapıçı ilə 2 illik müqavilə imzalanıb.
Onun bölgə təmsilçisi ilə olan əvvəlki anlaşması hazırkı mövsümün sonuna qədər idi.
Təcrübəli qolkiper klubun sosial şəbəkə hesabı vasitəsilə xəbəri özünəməxsus formada təqdim edib.
Qeyd edək ki, Rikardo Fernandes bu mövsüm "Şamaxı"nın heyətində 28 oyunun hamısında meydana çıxaraq 8 matçda qapısını toxunulmaz saxlayıb. O, kluba ötən ilin yayında Portuqaliytanın "Torreense" komandasından transfer olunub.
