BAKI, 4 aprel. TELEQRAF
ABŞ və Böyük Britaniya müvafiq olaraq, 2031 və 2035-ci il qadınlar arasında dünya çempionatlarına ev sahibliyi edəcək.
Teleqraf-ın məlumatına görə, bu barədə FIFA prezidenti Canni İnfantino açıqlama verib.
O bildirib ki, İngiltərə, Şotlandiya, Uels və Şimali İrlandiyanın birgə ərizəsi DÇ-2035 üçün yeganə rəsmi müraciət olub.
DÇ-2031-ə isə yalnız ABŞ namizədliyini irəli sürüb.
Daha əvvəl DÇ-2035 uğrunda mübarizə niyyətlərini İspaniya, Portuqaliya və Mərakeş açıqlamışdı. Lakin onlardan heç biri FIFA-ya müraciət etməyib. Ərizə qəbulu martın 31-də başa çatıb.
Qeyd edək ki, 2027-ci il dünya çempionatı Braziliyada keçiriləcək.
