BAKI, 5 aprel. TELEQRAF
Slovakiyanın Baş naziri Robert Fiko Avropa İttifaqının səfirlərini Bratislavanın faşizmdən azad edilməsinin 80 illiyi ilə bağlı tədbirə qatılmaqdan imtina etdiklərinə görə tənqid edib.
Teleqraf xəbər verir ki, o, bu barədə Slavin memorialında anım tədbiri zamanı danışıb.
"Rusiya və Belarus səfirlərini tədbirə dəvət etdiyimə görə, Avropa İttifaqının səfirləri bura gəlməyəcəklərini bildirdilər", - o deyib.
O həmçinin Aİ diplomatlarını "inadkar uşaq" adlandırıb. Baş nazirin sözlərinə görə, səfirlər “inadkar olmaq yox, işləmək” məcburiyyətindədirlər.
“Əgər onların başqa ölkələrin səfirləri ilə görüşmək üçün belə gözəl imkanları varsa, deməli, burada olmaq onların borcudur”, - o əlavə edib.
