BAKI, 4 aprel. TELEQRAF
Qadın futbolçulardan ibarət Azərbaycan milli komandası bu gün UEFA Millətlər Liqasında ikinci oyununu keçirəcək.
Teleqraf xəbər verir ki, C Liqasının 4-cü qrupunda yer alan yığma Vilnüsdə Litva yığmasının qonağı olacaq.
“Jalgiris” stadionunda təşkil olunacaq qarşılaşmanı Avstriyadan olan hakimlər briqadası idarə edəcək. Bakı vaxtı ilə saat 19:30-da başlayacaq görüş “CBC Sport” kanalı vasitəsilə canlı yayımlanacaq.
4 aprel
19:30. Litva (Qadınlar) - Azərbaycan (Qadınlar)
Baş hakim: Marina Zechner
Baş hakimin köməkçiləri: Biljana Iskin, Linda Thieme
Dördüncü hakim: Lena Hirtl
(Hakimlər briqadası Avstriyadandır)
"Jalgiris stadionu".
Qeyd edək ki, C Liqasının 4-cü qrupunda yer alan Azərbaycan millisi ilk turda Bakıda Monteneqro ilə heç-heçə edib. Monteneqro isə öz meydanında Litvaya qalib gəlib - 3:1. Aprelin 8-də Monteneqro - Azərbaycan görüşü keçiriləcək.
