BAKI, 4 aprel. TELEQRAF

"Mən Azərbaycan Dövlət Akademik Musiqili Teatrına direktor müavini təyin olunmamışam. Mənim adım məşhur olduğuna görə, belə xəbərlər yayılır".

Bunu Teleqraf-a açıqlamasında müğənni Arzu Rzayev deyib.

"Teatra direktor müavini təyin edilən Arzu Rzayev Asif oğludur, mən isə Ələkbər oğluyam. Həmin şəxsi isə tanımıram", - müğənni bildirib.

Qeyd edək ki, Azərbaycan Dövlət Akademik Musiqili Teatrına Arzu Asif oğlu Rzayev direktor müavini təyin olunub. Teatrın direktoru Əliqismət Lalayev isə tutduğu vəzifədən azad edilib. Onu isə Gəncə Dövlət Milli Dram Teatrının direktoru Aqil Bəhramlı əvəz edib.