BAKI. 5 aprel. TELEQRAF
İsrail ordusu Qəzza zolağında Fələstinin HƏMAS hərəkatının təbliğat aparatının əsas nümayəndələrindən birinin öldürüldüyünü açıqlayıb.
Teleqraf xəbər verir ki, öldürülən Məhəmməd Saleh əl-Bərdavil mediadan psixoloji hədə-qorxu aləti kimi istifadə edərək sistematik olaraq yalan məlumatlar yayıb.
"İsrail Müdafiə Qüvvələri HƏMAS-ın hərbi qanadı daxilində təbliğat və psixoloji hədə-qorxu işlərinə nəzarət edən terrorçu Məhəmməd Saleh əl-Bərdavili öldürüb. Əl-Bərdavil HƏMAS-ın təbliğat aparatında mərkəzi rol oynayıb", - ordunun mətbuat xidmətinin bəyanatında deyilir.
Departament qeyd edib ki, Bərdavil Qəzzada oğurlanmış israillilərin lentə alındığı təbliğat videolarının yaradılmasında fəal iştirak edib.
"O, Qəzzada tanınmış jurnalist hesab edilsə də, HƏMAS-ın terror maşınının ayrılmaz hissəsi idi", - bəyanatda deyilir.
