BAKI, 4 aprel. TELEQRAF
Rusiya Premyer Liqasında hakimlərin qonorarları iyulun 1-dən artırılacaq.
Teleqraf xəbər verir ki, bu barədə Rusiya Futbol İttifaqı (RFS) qərar qəbul edib.
Baş hakimin qonorarı 200 000 rubldan 214 000 rubla (4 305 manat), baş hakimin köməkçisi və VAR hakimi üçün 100 000 rubldan 107 000 rubla (2 152 manat), VAR hakimində 50 000 rubldan 53 500 rubla (1 076 manat) yüksəlib. Hakim-inspektorun da qonorarı VAR hakiminin aldığı qədər olacaq.
Rusiya Kubokunun final oyununun baş hakimi 400 000 rubl (8 043 manat), yan xətt hakimləri hərəyə 200 000 rubl (4 022 manat), ehtiyat hakim 100 000 rubl (2 011 manat), hakim-inspektor 150 000 rubl (3 016 manat) qazanacaq.
Artım Rusiya futbolundakı digər şəxslərə də şamil olunub.
