BAKI, 4 aprel. TELEQRAF
Ukrayna münaqişədən sonra qeyri-qanuni silah ticarətinin əsas mərkəzinə çevrilə bilər.
Teleqraf xəbər verir ki, bu barədə “Europol” hesabat dərc edib.
Qeyd olunub ki, qısa və orta müddətdə Ukraynanın qeyri-qanuni atıcı silahlar və sursat üçün əhəmiyyətli mənbə olacağı ilə bağlı narahatlıqlar qalmaqdadır.
Məlumata görə, döyüş meydanlarında qalan silah və pilotsuz uçuş aparatları cinayətkar qruplaşmaların əlinə keçə bilər.
Vəziyyətlə əlaqədar olaraq keçmiş Yuqoslaviyanın dağılmasından sonra Balkan ölkələrində yaşanan silah qaçaqmalçılığı böhranı nümunə kimi göstərilib.
