BAKI. 4 aprel. TELEQRAF
Vyetnam rəhbərliyi Amerika mallarına tətbiq edilən bütün tarifləri ləğv etməyə hazırdır.
Teleqraf xəbər verir ki, bu barədə ABŞ Prezidenti Donald Tramp məlumat verib.
“Mənim indicə Vyetnam Kommunist Partiyasının baş katibi Lam ilə məhsuldar telefon danışığım oldu. O mənə dedi ki, Vyetnam ABŞ ilə razılığa gələ bilsə, tarifləri sıfıra endirməyə hazırdır”, - Amerika lideri "Truth Social"da yazıb.
Tramp yaxın gələcəkdə Lam ilə "görüşməyi səbirsizliklə gözlədiyini" yazıb.
Qeyd edək ki, 2024-cü ildə ABŞ və Vyetnam arasında ticarət dövriyyəsi təxminən 149,6 milyard dollar təşkil edib. ABŞ-dan Vyetnama tədarük 13,1 milyard dollar, Vyetnamdan ABŞ-a isə 136,6 milyard dollar həcmində qiymətləndirilir.
Aprelin 2-də Amerika lideri 185 ölkə və ərazinin mallarına gömrük rüsumlarının tətbiq olunduğunu açıqlayıb.
Ən yüksək tarif Vyetnam mallarına tətbiq olunub. Bu ölkədən idxal olunan mallara rüsumlar 46 faiz təşkil edəcək.
