BAKI, 5 aprel. TELEQRAF
Londondan Mumbaya uçan sərnişin təyyarəsi Türkiyə ərazisində təcili eniş etməli olub. Buna səbəb təyyarədə olan qadın sərnişinlərdən birinin özünü pis hiss etməsi olub. Ekipaj qadının tibbi yardım ala bilməsi üçün yerə enmək qərarına gəlib.
Teleqraf xəbər verir ki, bu barədə "Daily Mail" məlumat yayıb.
Pilotlara Diyarbəkirdə hərbi bazada eniş etmək icazəsi verilib.
Təyyarədə həmçinin texniki nasazlığın da olduğu üzə çıxıb. Təyyarə 16 saat ərzində hərbi bazada qalmalı olub.
Sərnişinlər arasında körpələr, şəkər xəstələri, yaşlılar, həmçinin hamilə qadın olub. Aviaşirkət yaranan narahatlığa görə sərnişinlərdən üzr istəyib.
