BAKI, 3 aprel. TELEQRAF

“Arsenal”ın 27 yaşlı müdafiəçisi Qabriel Maqalyayns zədə səbəbindən mövsümü yarımçıq başa vurub.

Teleqraf xəbər verir ki, bu barədə London klubu rəsmi məlumat yayıb.

Xəbərdə bildirilir: “Qabriel “Fulhem”lə matçda diz nahiyəsindən zədə alıb və əməliyyat olunacaq. Dərhal sağalma və reabilitasiya proqramına başlayacaq. Məqsəd onu növbəti mövsümün başlanğıcına hazırlamaqdır”.

Braziliyalı müdafiəçi bu mövsüm “Arsenal”ın Premyer Liqada keçirdiyi 30 matçın 28-də start heyətində meydana çıxıb.