BAKI, 4 aprel. TELEQRAF

“Biz hər bir canlını qorumağın tərəfdarıyıq. Ağacların köçürülmədən əvvəl onların budanmasına ehtiyac var. Köçürülmə zamanı hər bir ağacın qulluğu nəzərə alınacaq”.

Tekeqraf xəbər verir ki, bunu Bakı Metropoliteninin mətbuat katibi Bəxtiyar Məmmədov "Dərnəgül” elektrik deposunun inşası zamanı layihə altına düşən yaşıllıqlarla bağlı keçirilən ictimai dinləmədə deyib.

O bildirilib ki, bu prosesdə ən xırda detallara qədər diqqət ediləcək.

“İncə detallara həssaslıqla yanaşırıq. Ekoloji tarazlıq qorunmalıdır. Tikinti dövründə Ekologiya və Təbii Sərvətlər Nazirliyi ilə sıx əməkdaşlıq edəcəyik".

Dövlət Ekoloji Ekspertiza Agentliyinin İdarə Heyəti sədrinin müavini İman Quliyev bildirik ki, layihə dövlət proqramı çərçivəsində həyata keçirilir.

“Bu layihənin məqsədi nəqliyyat infrastrukturun genişlənməsini təmin etməkdir. Məlumdur ki, milyonlarla insan metrodan istifadə edir. Təmir işi görülməli, nöqsanlar aradan qaldırmalıdır. Ancaq burada ekoloji mühitin qorunması məsələsi də önəmlidir. Yaşıllıq landşaftı mütləq nəzərə alınmalı və öz yerini tapmalıdır".

Xatırladaq ki, "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”nın təsdiq edilməsi haqqında Azərbaycan Respublikası Prezidentinin 30 yanvar 2025-ci il tarixli Sərəncamının icrasından irəli gələn məsələlərə uyğun olaraq tikiləcək “Dərnəgül” elektrik deposunun inşası zamanı layihə altına düşən yaşıllıqlar mövcuddur.