BAKI, 4 aprel. TELEQRAF
Səudiyyə Ərəbistanı "Əl-İttihad"ının hücumçusu Kərim Benzema hazırkı klubunu "Real Madrid"lə müqayisə edib.
Teleqraf xəbər verir ki, bu barədə məşhur fransalı forvard sosial şəbəkə hesabında yazıb.
Benzema deyib: “İspaniyada və Ərəbistanda çıxış etmək tamamilə fərqli şeylərdir. Burada hər şey “Real Madrid”dən tamamilə fərqlidir. Ərəbistanda oynamaq çətindir, həmişə qalib gəlmək lazımdır”.
Yada salaq ki, 36 yaşlı Benzema 2023-cü ildə azad agent kimi “Əl-İttihad”a keçib. Forvard bu mövsüm bütün turnirlərdə 25 oyun keçirib və 18 qol vurub.
