BAKI, 3 aprel. TELEQRAF
Futbol üzrə Türkiyə Kubokunda sonuncu yarımfinalçı müəyyənləşib.
Teleqraf xəbər verir ki, 1/4 final mərhələsində “Beşiktaş” öz meydanında gözlənilmədən “Göztəpə” klubuna uduzaraq (1:3) mübarizəni dayandırıb.
Qalib komandanın hər 3 qolunu braziliyalı Romulo Kardozo vurub.
“Qara qartallar” qarşılaşmanın böyük qismini azlıqa keçiriblər. Tayyip Talha Sanuç 36-cı dəqiqədə meydandan qovularaq, “Beşiktaş”ı azlıqda qoyub.
Bununla da Türkiyə Kubokunda bütün yarımfinalçılar bəlli olub. Növbəti mərhələdə “Qalatasaray” “Konyaspor”la, “Trabzonspor” isə “Göztəpə” ilə qarşılaçacaq.
Yarımfinal oyunları aprelin 22-də keçiriləcək.
