BAKI, 3 aprel. TELEQRAF

“Qarabağ” futbol klubu uzunmüddətli icarə əsasında akademiyanın istifadəsində olan "Sərhədçi" İdman Mərkəzinin futbol meydançasının işıqlandırma sistemində dəyişiklik edib.

Teleqraf xəbər verir ki, ənənəvi halogen əsaslı projektor lampalar tamamilə LED texnologiyası ilə əvəz olunub.

Bu dəyişikliklə klub yaşıl enerji istifadəsini təşviq etməklə həm qənaətə nail olub, həm də ətraf mühitə zərər azaldılıb.

Əvvəlki sistemdə hər projektor orta hesabla 1000 watt enerji sərf edirdisə, LED lampalar bu göstəricini 300–400 watt civarına endirib. Bu isə hər istifadə zamanı təxminən 60%-ə qədər enerji qənaəti deməkdir.

Sözügedən addım ildə 2 tona yaxın CO₂ emissiyasının qarşısı almağa imkan verəcək (1 kWh enerji üçün orta hesabla 0.283 kg CO₂ nəzərə alınsa).