BAKI, 4 aprel. TELEQRAF
“Qarabağ”dan Braziliyanın “Flamenqo” klubuna keçən Olaviyo Juninyo növbəti qolunu vurub.
Teleqraf xəbər verir ki. 29 yaşlı hücumçu Libertadores Kubokunun qrup mərhələsinin I turunda səfərdə Venesuelanın “Deportivo Taçira” komandasını 1:0 hesabı ilə məğlub etdikləri matçda fərqlənib.
56-cı dəqiqədə meydana daxil olan braziliyalı hücumçu 2 dəqiqə sonra rəqib qapısına yol tapıb.
Juninyo matçın ən yaxşı oyunçusu seçilib və xüsusi mükafata layiq görülüb.
Bu, Juninyonun yeni klubunda 11-ci oyununda 3-cü qolu olub.
Qeyd edək ki, braziliyalı futbolçu qış transfer pəncərəsində “Qarabağ”dan “Flamenqo”ya 5 milyon avroya transfer edilib.
