BAKI, 4 aprel. TELEQRAF

NATO Rusiya ilə münaqişədən sonra Ukraynaya üzvlük vəd etməyib.

Teleqraf xəbər verir ki, bu fikirləri NATO-nun Baş katibi Mark Rutte səsləndirib.

Onun sözlərinə görə, alyans Ukraynanı döyüşləri davam etdirə bilməsi üçün dəstəkləyəcək.

Kiyevə hərbi dəstək Visbaden komandirliyi və NATO-nun Ukraynadakı nümayəndəliyi vasitəsilə həyata keçiriləcək.

“Münaqişə başa çatdıqdan sonra NATO Ukraynanı elə gücləndirəcək ki, Rusiya artıq bir kvadrat kilometr belə torpaq əldə edə bilməyəcək", - Rutte əlavə edib.

Baş katib ABŞ-nin atəşkəsə dair razılığa gəlmək cəhdlərini dəstəklədiyini, eyni zamanda Avropa ölkələrinin Ukraynaya qoşun göndərilməsi məsələsini müzakirə etməsini alqışladığını bildirib.