BAKI, 3 aprel. TELEQRAF

Futbol üzrə Almaniya Kubokunda 1/2 final mərhələsinə yekun vurulub.

Teleqraf xəbər verir ki, ikinci oyun günündə "Ştutqart" "Leypsiq"i qəbul edib.

MXP stadionunda baş tutan görüşdə meydan sahibi komanda inamlı qələbə qazanıb - 3:1. "Ştutqart"dan Anqelo Ştiller (5-ci dəqiqə), Nik Voltmeyd (57) və Ceymi Levelinq (73) fərqləniblər. "Leypsiq"dən isə 62-cı dəqiqədə Benjamin Şeşko qol vurub.

Qeyd edək ki, "Ştutqart" Almaniya Kubokunun finalında III Bundesliqa təmsilçisi "Arminiya" ilə üz-üzə gələcək. Bilefeld təmsilçisi aprelin 1-də "Bayer"i 2:1 hesabı ilə məğlub edib.