BAKI, 2 aprel. TELEQRAF

“Komanda şəklində və fərdi oyunda nəzarəti əldən verdik. Bu gün bizdə heç nə alınmadı”.

Teleqraf xəbər verir ki, bu sözləri “Bayer Leverkuzen”in baş məşqçisi Xabi Alonso deyib.

Onun sözlərinə görə, yetirmələri zəif rəqiblə matçda ümidləri doğrultmayıb: “Hər kəs məyusluq yaşayır. “Arminiya”nı təbrik edirəm. Onlar öz çıxışları ilə finala layiq idilər. Oyunu istədyimiz kimi qura bilmədik”.

Qeyd edək ki, Almaniya Kuboku uğrunda yarımfinal oyununda “Bayer Leverkuzen” klubu gözlənilmədən mübarizəni dayandırıb. Leverkuzenlilər səfərdə 3-cü liqa təmsilçisi “Arminiya” klubuna 2:1 hesabı ilə uduzub.