BAKI, 3 aprel. TELEQRAF

Vyana polisi dəyəri 3 milyon avrodan çox olan “Bugatti Chiron” avtomobilini sürət həddini aşdığı üçün müsadirə edib.

Teleqraf Avstriyanın "Heute" agentliyinə istinadən xəbər verir ki, 38 yaşlı sürücü avtomobilini Vyananın tarixi küçəsi olan Ringstrassedə 119 km/saatla sürüb. Həmin küçədə sürət həddi 50 km/saat olub.

Polis dərhal avtomobili saxlatdırıb. Sürücü avtomobili idarəetmə hüququndan məhrum edilib.

Avstriyada şəhər mərkəzlərində sürət həddi 60 km/saatdan artıq olan avtomobillər dövlət tərəfindən müsadirə edilir. Avstriya qanunvericiliyi ciddi yol hərəkəti qaydalarını pozan sürücülərin avtomobillərinin müsadirə edilməsinə və hərraca çıxarılmasına icazə verir.