BAKI, 3 aprel. TELEQRAF

Futbol üzrə İtaliya Kubokunda 1/2 final mərhələsinin ilk oyunlarına yekun vurulub.

Teleqraf xəbər verir ki, "San Siro"da "Milan" əzəli rəqibi "İnter"lə qarşılaşıb.

Görüş 1:1 hesablı heç-heçə ilə yekunlaşıb. Matçda hesabı 47-ci dəqiqədə "rossoneri"lərin üzvü Tommi Abraham açıb. 67-ci dəqiqədə isə Türkiyə milli komandasının futbolçusu Hakan Çalhanoğlu uzaq məsafədən vurduğu baxımlı qolla hesabı bərabərləşdirib.

İtaliya derbisinin cavab oyunu aprelin 23-də keçiriləcək.

Qeyd edək ki, İtaliya Kubokunun digər oyununda "Bolonya" səfərdə "Empoli"ni məğlub edib - 3:0.