BAKI, 3 aprel. TELEQRAF

Futbol üzrə İspaniya Kubokunda 1/2 final mərhələsinə yekun vurulub.

Teleqraf xəbər verir ki, ikinci oyun günündə "Atletiko Madrid" "Barselona"nı qəbul edib.

"Metropolitano" stadionunda baş tutan görüşdə qonaq komanda 1:0 hesablı qələbə qazanıb. Matçda yeganə qolu 27-ci dəqiqədə Ferran Torres vurub.

Tərəflər arasında keçirilən ilk qarşılaşmada 4:4 hesablı heç-heçə qeydə alınmışdı.

Qeyd edək ki, "Barselona" İspaniya Kubokunun finalında "Real Madrid"lə üz-üzə gələcək. "Kral klubu" 1/2 finalda "Real Sosyedad"ı üstələyib (ilk oyun - 1:0, ikinci 4:4).