BAKI, 2 aprel. TELEQRAF

“11 futbolçu və 3 hakimə qarşı oynayırdıq”.

Teleqraf xəbər verir ki, bunu "Sabah”ın baş məşqçisi Vasili Berezutski səfərdə "Neftçi"ni 2:1 hesabı ilə məğlub etdikləri Azərbaycan Kubokunun yarımfinal mərhələsinin ilk oyunundan sonra mətbuat konfransında deyib.

Rusiyalı mütəxəssis qarşılaşmanın hakimlərinə etiraz edib: "Uşaqlara əhsən demək istəyirəm, sona qədər vuruşdular, mübarizə apardılar. Bu gün sadəcə, 11 nəfərə yox, 11 nəfər üstəgəl 3 hakimə qarşı oynadıq. Ən əsası, bu gün hakimlər VAR-ı unutmuşdular. Prinsipcə, oyun barədə bu qədər, daha deyəcək sözüm yoxdur”.

Berezutski bu açıqlamadan sonra jurnalistlərin sualını gözləmədən azərbaycanca "sağ olun" deyərək, konfrans zalını tərk edib.