BAKI, 3 aprel. TELEQRAF

Qazaxıstanın paytaxtı Astanadan 300 kilometr cənub-şərqdə yerləşən Qaraqanda vilayətinin Karkaralı rayonunda nadir torpaq elementləri yatağı aşkar edilib.

Teleqraf xəbər verir ki, ilkin hesablamalara görə, onun tərkibində 300 metr dərinliyə qədər 20 milyon tondan çox nadir torpaq metalları ola bilər. Jana yatağında neodim, serium, lantan və itrium kimi qiymətli metalların olduğu bildirilir. Yatağın istismarına nə vaxt başlanacağı qeyd olunmayıb.

Bu təsdiqlənərsə, Qazaxıstan ehtiyatlarına görə Çin və Braziliyadan sonra dünyada üçüncü olacaq.