BAKI, 3 aprel. TELEQRAF

ABŞ Milli Aerokosmik Agentliyi (NASA) yeni kəşf edilmiş və Yer üçün təhlükə yaradan "2024 YR4" asteroidinin 2032-ci ildə Ay ilə toqquşma ehtimalını 3,8%-ə yüksəldib.

Teleqraf xəbər verir ki, bu barədə NASA-nın saytında məlumat verilib.

Agentliyin əməkdaşları Ceyms Vebb teleskopundan istifadə edərək diametri təxminən 53-67 metr olan asteroidin ölçülərini dəqiqləşdirə biliblər.

"2024 YR4" asteroidi 2024-cü ilin dekabrında kəşf edilib. Həmin dövrdə onun ölçüləri 40-90 metr kimi qiymətləndirilib. Bu, onun böyük bir şəhəri məhv edəcək gücdə olduğunu göstərir.

Mütəxəssislər hesab edirlər ki, 2024 YR4 asteroidi 2032-ci il dekabrın 22-də Yerə yaxınlaşa bilər. Onun Ayla toqquşma ehtimalı da var. Lakin daha dəqiq proqnozlar əldə etmək hələlik mümkün deyil.