BAKI, 2 aprel. TELEQRAF

“Real” evdə heç vaxt təslim olmur. “Bernabeu”da hər şey ola bilər. Səhvlər oldu, amma öhdəsindən gəldik”.

Teleqraf xəbər verir ki, bu barədə “Real Madrid”in baş məşqçisi Karlo Ançelotti deyib.

İtaliyalı mütəxəssis bildirib: “0:1 məğlub duruma düşəndə komandamız yaxşı cavab verdi və hesabı bərabərləşdirdik. 1:3 uduzduğumuz məqamda da eyni cür geridönüş etdik. Əlavə vaxtda daha güclü olduğumuzu düşünürəm. "Real Sosyedad” çox yaxşı komandadır və onlar bizi çətin vəziyyətə saldılar”.

Qeyd edək ki, “Real Madrid” İspaniya Kubokunun finalına vəsiqə qazanıb. Madridlilər yarımfinalda “Real Sosyedad”ı ümumi hesabda 5:4 (4:4, 1:0) üstələyib.