BAKI, 3 aprel. TELEQRAF

Kanada Prezident Donald Trampın elan etdiyi yeni tariflərə cavab olaraq ABŞ-yə rüsumlar tətbiq edəcək.

Teleqraf xəbər verir ki, bunu Kanadanın Baş naziri Mark Karninin jurnalistlərə açıqlamasında deyib.

Baş nazir Kanadanın ABŞ-nin yeni tarifləri ilə mübarizə aparacağını bildirib. O qeyd edib ki, işçilərini qorumaq və bütün G7 ölkələrinin ən güclü iqtisadiyyatını qurmaq niyyətindədir.

Karni vurğulayıb ki, Vaşinqton Kanadaya əczaçılıq, ağac və yarımkeçiricilər kimi strateji sektorlara təsir edəcək başqa tariflərin tətbiq oluna biləcəyinə işarə edib.