BAKI, 3 aprel. TELEQRAF

Moskvanın İzmailovski Məhkəməsi Dağıstan hökumətinin keçmiş sədri Abdusəməd Həmidovu külli miqdarda rüşvət almaqda təqsirli bilərək 13 il müddətinə azadlıqdan məhrum edib.

Teleqraf xəbər verir ki, bu barədə TASS Rusiya Baş Prokurorluğunun mətbuat xidmətinə istinadən məlumat yayıb.

Məhkəmə həmçinin Dağıstanın “Dövlət Sifarişçi-İnkişafçı Direktorluğu” dövlət müəssisəsinin keçmiş rəhbəri Şamil Kadıyevə də hökm oxuyub. Belə ki, 2014-cü ilin avqustunda Kadıyev ümumi himayədarlıq müqabilində Həmidova rüşvət verib.

Həmidov 13 il müddətinə azadlıqdan məhrum edilib və 12,45 milyon rubl məbləğində cərimələnib.