
BAKI, 2 aprel. TELEQRAF
UEFA Gənclər Liqasında azarkeş rekordu müəyyənləşdirilib.
Teleqraf xəbər verir ki, bu, Türkiyənin "Trabzonspor" və İtaliyanın "İnter" komandaları arasındakı 1/4 final matçına təsadüf edib.
Trabzon şəhərindəki "Şenol Güneş" İdman Kompleksində keçirilmiş görüşü 40 368 tamaşaçı izləyib. Bu, turnir üçün rekord göstərici sayılır.
Qeyd edək ki, 1:0 hesabı ilə qalib gələn "Trabzonspor" yarımfinalda Avstriya "Zaltsburq"u ilə qarşılaşacaq. Oyun aprelin 25-də keçiriləcək.